ЛУИС ХАМИЛТОН И МЕКЛАРЕН ФАТЕНИ ВО ЛАГА

На Луис Хамилтон му беше одземено третото место на првата трка од новата сезона на Формула 1 во Австралија од како светскиот шампион и неговиот тим беа осудени дека обезбедиле неточни податоци на сослушувањето од стјуардите после трката во Мелбурн.

Британецот заврши како четврти во трката, но беше поместен една позиција погоре од како Јарно Трули беше казнет со 25 сек. поради престигнување на Хамилтон под безбедносно возило.

Поради наоѓање на нови докази во случајот, најверојатно радио трансмисијата на Тојота и Мекларен тимовите, стјуардите одржаа ново сослушување во Малезија.

Се утврдило дека тие не соодвестуваат со првичните изјави на Хамилтон и Мекларен дадени после завршувањето на трката во Австралија.

Во изјавата од стјуардите се вели: "Стјуардите ги разгледаа новите елементи презентирани од претставниците Австралија ГП 2009, и се утврди дека возачот со број 1 Луис Хамилтон и неговиот тим Vodafone McLaren Mercedes намерно претставиле неточни податоци пред Стјуардите на сослушувањето одржано на 29 март 2009, Недела, со што го прекршиле членот 151c од Интернационалниот Спортски Кодекс.

"Спрема членот 158 од Интернационалниот Спортски Кодекс возачот со број 1 Луис Хамилтон и неговиот тим Vodafone McLaren Mercedes се дисквалификуваат од поредокот на Aвстралија ГП 2009 кој е променет во согласност со новонастанатата ситуација."

Поврзано со оваа одлука, Стјуардите ја избришаа казната на Трули, на кого му е вратено третото место на Aвстралија ГП 2009.

РЕВИДИРАН ПОРЕДОК НА АВСТРАЛИЈА ГП 2009

Pos  Driver        Team                      Time
 1.  Button        Brawn GP              (B)  1h34:15.784
 2.  Barrichello   Brawn GP              (B)  +     0.807
 3.  Trulli        Toyota                (B)  +     1.604
 4.  Glock         Toyota                (B)  +     4.435
 5.  Alonso        Renault               (B)  +     4.879
 6.  Rosberg       Williams-Toyota       (B)  +     5.722
 7.  Buemi         Toro Rosso-Ferrari    (B)  +     6.004
 8.  Bourdais      Toro Rosso-Ferrari    (B)  +     6.298
 9.  Sutil         Force India-Mercedes  (B)  +     6.335
10.  Heidfeld      BMW Sauber            (B)  +     7.085
11.  Fisichella    Force India-Mercedes  (B)  +     7.374
12.  Webber        Red Bull-Renault      (B)  +     1 lap
13.  Vettel        Red Bull-Renault      (B)  +    2 laps
14.  Kubica        BMW Sauber            (B)  +    3 laps
15.  Raikkonen     Ferrari               (B)  +    3 laps

Fastest lap: Rosberg, 1:27.70

Изјава на Мекларен:

"Vodafone McLaren Mercedes разбираат дека Стјуардите ја донесле одлуката после преслушувањето на радио трансмисијата помеѓу Возачот и Тимот.

"Tимот погрешно верувал дека истата била преслушана од ФИА во Недела 29 Март 2009, како последица на тоа не верувавме дека е потребно да дискутираме со Стјуардите на таа тема во неделата.

"Но, Vodafone McLaren Mercedes сега се кае што не го направиле тоа, ја прифаќа одлуката на Стјуардите и нема да се жали на нивната одлука."