Лука Бадоер се враќа на Гранд При трките повторно откако ја напушти Ф1 на крајот од 1999. Тој од тогаш е тест возач на Ферари, при што има поминато 131.944 км во 469 дена тестирања, што е готово двојно повеќе од тркачката километража на рекордерот Рубенс Баричело (67.891 км). Но, Бадоер во трка има само 10.642км.
Бадоер претходно возел за тимови со слаби перформанси, така да тој е присутен во некои од Ф1 негативни листи. Еве што би требало да направи за да подобри својот статус:
• Да освои бодови: Бадоер има најголем број почнати трки (48) а е без бодови во Ф1, и е пред Тораносуке Такаги и Брет Лунгер (двајцата со 32).
• Да успее да влезе во Топ 10 на Квалификациите: Од 56 обиди, најдобриот резултат на Бадоер е 12. место во 1995 на Унгарското Гранд При.
• Да не биде на последната стартна позиција: Бадоер се има квалификувано како последен 10 пати. На оваа листа е 5-ти на сите времиња.
• Да ја заврши трката: Бадоер не завршил 25 трки од 48 започнати (52 %). Од активните возачи со најлош резултат во ова рангирање е Адриан Сутил со 20 откажувања од 45 почнати трки(44,4%). Но тој возеше за тимови со минимални буџети па беше честа жртва на механички дефекти т.е 18 пати се откажал поради истите (37,5 %).
Останати занимливости за Бадоер се:
• Тој е единствен од активните возачи кој не успеал да се квалификува за трката.
• Иако секогаш бил при крајот на Стартната листа, Бадоер само еднаш трката ја завршил како последен. Тоа било во 1993 на Бразилското Гранд При, кога завршил на 12 место.
________________________________________________________________________________________________________________________________________________________________________
No comments:
Post a Comment