Марк Вебер ќе стартува од Пол Позицијата на Турското ГП. Ова е трета по ред прва стартна позиција за Австралиецот. Изненадување е само што овојпат најголем конкурент во Q3 му беше Луис Хамилтон, кој се пласираше на втората стартна позиција. Себастијан Ветел повторно беше побавен во квалификациите од својот тимски колега и мораше да се задоволи со третата позиција, додека Ферари го чекаат големи тешкотии во својата 800 Ф1 Гран При трка, со Фернандо Алонсо на катастрофалната 12-та позиција и Фелипе Маса со само осмото место.
Најголемата вест од Q2 без сомнение е елиминирањето на Фернандо Алонсо. Неговата грешка во кривината 12 двократниот шампион го чинеше многу. Но, тој имаше поправен круг во кој не успеа да постави време за влез во Топ 10, што е уште една потврда дека оваа година патеката во Турција не му лежи како треба. Стравувањата што ги имаа пред трката за тоа дека не им одговараат одбраните гуми од Бриџстон се покажаа како вистинити. Исто така и Мекларен, т.е. неговите возачи не успаа да ги подобрат своите времиња на помеките гуми. Голем ден за Рено со Петров и Кубица со пласман во третата квалификациона сесија. Ова беше прв пат Петров да се пласира во Q3 со одличното седмо време во овој дел од квалификациите.
Q1 помина без поголеми изненадувања, отпаднаа 3 дебитантски и моментално далеку најслаби тимови, и ги пополнија местата од 19-24 позиција. Како изненадување може да го наречеме тоа што витантонио Лиуци уште еднаш не ја помина првата квалификациона сесија, во голема мера благодарение на блокирањето на тркалата при сопирањето пред кривината 10. Лиуци на крајот беше цела секунда побавен од тимскиот колега Сутил, кој лесно се пласираше во првите десет болиди во тој момент.Лукас ди Граси имаше проблем со својот болид, и ги напушти квалификациите со само два изминати круга.
П. Возач Тим Q1 Q2 Q3
1. Webber Red Bull-Renault 1:27.500 1:26.818 1:26.295
2. Hamilton McLaren-Mercedes 1:27.667 1:27.013 1:26.433
3. Vettel Red Bull-Renault 1:27.067 1:26.729 1:26.760
4. Button McLaren-Mercedes 1:27.555 1:27.277 1:26.781
5. Schumacher Mercedes 1:27.756 1:27.438 1:26.857
6. Rosberg Mercedes 1:27.649 1:27.141 1:26.952
7. Kubica Renault 1:27.766 1:27.426 1:27.039
8. Massa Ferrari 1:27.993 1:27.200 1:27.082
9. Petrov Renault 1:27.620 1:27.387 1:27.430
10. Kobayashi Sauber-Ferrari 1:28.158 1:27.434 1:28.122
11. Sutil Force India-Mercedes 1:27.951 1:27.525
12. Alonso Ferrari 1:27.857 1:27.612
13. de la Rosa Sauber-Ferrari 1:28.147 1:27.879
14. Buemi Toro Rosso-Ferrari 1:28.534 1:28.273
15. Barrichello Williams-Cosworth 1:28.336 1:28.392
16. Alguersuari Toro Rosso-Ferrari 1:28.460 1:28.540
17. Hulkenberg Williams-Cosworth 1:28.227 1:28.841
18. Liuzzi Force India-Mercedes 1:28.958
19. Trulli Lotus-Cosworth 1:30.237
20. Kovalainen Lotus-Cosworth 1:30.519
21. Glock Virgin-Cosworth 1:30.744
22. Senna HRT-Cosworth 1:31.266
23. di Grassi Virgin-Cosworth 1:31.989
24. Chandhok HRT-Cosworth 1:32.060
__________________________________________________________________________________________________________________________________________________________________________
No comments:
Post a Comment