2010 ЕВРОПА ГП: ВЕТЕЛ ПОВТОРНО НА ПРВАТА ПОЗИЦИЈА

Себастијан Ветел победи на Голема награда на Европа во Валенсија, издржувајќи ги нападите на Хамилтон на почетокот и рестарт на трката по безбедносното возило. Резултатите уште може да се променат по трката откако под истрага се Батон, Баричело, Хулкенберг, Петров и цела низа други болиди за пребрзо одење во бокс под безбедносното возило.

На стартот Ветел го задржа првото место, а Хамилтон го доби Марк Вебер откако Австралиецот остави место во првиот свиок, што исто така им овозможи и на Фернандо Алонсо и Фелипе Маса да поминат. Работите се одвиваа се полошо за Вебер, која бргу падна на 9-то место, најверојатно поради проблеми со неговите гуми.

За работите да бидат уште полоши по него по замената на гумите, во дуелот со Хеики Ковалаинен покажа дека Ред Бул навистина ти дава крила, по судирот со Лотусот спектакуларно полета во воздухот, слета наопаку и се заби во бариерите. Иако судирот изгледаше многу страшно, беше уште едно неверојатно сведоштво за силата на денешните Формула 1 болиди. Вебер излезе неповреден од болидот, но многу исфрустриран.

Дуото на Ферари, Алонсо и Маса, и покрај нивниот импресивен старт, беа најглоемите губитници при безбедносното возило, на крајот завршувајќи 9-ти и 14-ти. Херој на денот испадна Камуи Кобајаши, кој успеа да заврши на 7-мо место, ако не беше правилото за задолжителна промена на дватаб видови на гуми, ќе имаше пласман на подиумот. По излегување од боксот беше 9-ти, но успеа да ги помине Алонсо и Буеми, за свој најдобар пласман оваа сезона.

UPDATE:
Стјуардите на ФИА им доделија казни од по 5 секунди на деветте возачи под истрага поради прекршување на правилата на однесување при безбедносно возило на патеката. Казнети се Џенсон Батон, Рубенс Барикело, Нико Хулкенберг, Роберт Кубица, Виталиј Петров, Адријан Сутил, Себастијан Буеми, Педро де ла Роса и Витантонио Лиуци. Казните значеа една позиција напред за Фернандо Алонсо, од деветто на осмо, превземена од Буеми, а Нико Розберг му го одзеде поенот на Педро де ла Роса, т.е. 10-то место во трката. Друго е се по стариот редослед. Исто така му е доделена казна од 20сек. на Тимо Глок за игнорирање на сините знамиња.

ГОЛЕМА НАГРАДА НА ЕВРОПА
Валенсија, Шпанија;
57 круга; 310.080км;
Време: Сончево.

ПЛАСМАН:
П.  ВОЗАЧ        ТИМ                       ВРЕМЕ
1.  Vettel        Red Bull-Renault           1h40:29.571
2.  Hamilton      McLaren-Mercedes           +     5.042
3.  Button        McLaren-Mercedes           +     7.658
4.  Barrichello   Williams-Cosworth          +    20.627
5.  Kubica        Renault                    +    22.122
6.  Sutil         Force India-Mercedes       +    25.168
7.  Kobayashi     Sauber-Ferrari             +    30.965
8.  Buemi         Toro Rosso-Ferrari         +    31.299
9.  Alonso        Ferrari                    +    32.809
10. De la Rosa    Sauber-Ferrari             +    42.414
11. Petrov        Renault                    +    43.287
12. Rosberg       Mercedes                   +    44.382
13. Liuzzi        Force India-Mercedes       +    45.890
14. Massa         Ferrari                    +    46.621
15. Alguersuari   Toro Rosso-Ferrari         +    48.239
16. Schumacher    Mercedes                   +    48.826
17. Di Grassi     Virgin-Cosworth            +     1 lap
18. Chandhok      HRT-Cosworth               +    2 laps
19. Glock         Virgin-Cosworth            +    2 laps
20. Senna         HRT-Cosworth               +    2 laps
21. Trulli        Lotus-Cosworth             +    4 laps

НАЈБРЗ КРУГ: Џенсон Батон, 1:38.766

БЕЗ ПЛАСМАН:
ВОЗАЧ             ТИМ                  ПРИ КРУГ
Hulkenberg    Williams-Cosworth            50
Kovalainen    Lotus-Cosworth               9
Webber        Red Bull-Renault             9
___________________________________________________________________________________________________________________________________________________