Како последица на неуспехот на Ферари и Фернандо Алонсо во борбата за титулата на возачи, има се повеќе шпекулации, главно во италијанските медиуми, дека ќе има некои промени во тимот од Маранело.
"Некои работи ќе се променат, и секако, некои глави ќе летаат", изјави авторитетниот италијански дневен весник La Gazzetta dello Sport. Весникот не посочи директно кон Крис Даер, сепак се верува дека тој е најзагрозен, бидејќи одлука да се "покрие" Марк Вебер во Абу Даби е негова, при што Алонсо остана заробен зад Виталиј Петров.
Извор близок до Ферари, за Гардијан изјави: "Ќе има промени во Ферари, сигурно. Она што се случи во неделата беше голема, катастофална грешка Нема да се менува болидот, Алонсо, Претседателот или Доменикали... Наместо тоа ќе има промени на неефикасниот бокс. Може да не биде отказ, но следната сезона некои важни луѓе повеќе нема да се на позициите што ги имаат денес."
Стефано Доменикали изјави:
"Единственото нешто што можеме да го направиме сега е да се обидеме да земеме здив, да ги наполниме батериите и да се поттикнат луѓето да се направи подобра работа во следната година. Она што не треба да се направи во овој момент е да дозволиме да бидеме поколебани од лажните пророци или од страна на оние велејќи:" Јас ти реков така ". Ние мораме да работиме на областите каде ни треба подобрување и да знаеме што точно треба да направиме следната година. Ние веќе почнавме да правиме некои значајни промени оваа година во нашата организација, воведување на нови методи и нови луѓе за следната година. Издржливоста е добро место за почеток и треба така да продолжиме и во следната година."
За крај состојбата во која е тимот од Маранело може најдобро да е изразена во изјавата на трикратниот Светски шампион Ники Лауда: "Три дена ќе фрлаат дрвја и камења, а потоа повторно пак сите заедно ќе јадат шпагети и ќе го заборават поразот."
________________________________________________________________________________________________________________________________________
No comments:
Post a Comment